Donostia turismoa eta Gipuzkoako turismoaren erreserba zerbitzua

Beasainen, Goierri eta Euskal Herriaren bihotzean, Gipuzkoaren barnekaldean dauden lau izarreko hotel gutxitako bat da Dolarea Hotela. Herrian sartu eta erreka ertzean dauden platanondoak alde batera utzita bisitariak Dolarearekin topo egingo du parez-pare. Kolore gorrixkako eraikin aparta bezain dotorea da, sortu zen garaian abangoardista eta ikusgarria gaur egun. Hotel bihurtu duten baserri hau monumentu bat da eta Igartzako monumentu multzoan kokatua dago. Inguru paregabe hontan, XVII. mendeko baserri honek ehunka urtetan zehar izan duen etenaren ondoren hastapenean izan zuen jarduera izatera itzuli da, ostatua baitzen garaia hartan.
Sarrerako atea gurutzatu bezain pronto bisitariak guztiz eraberritua izan den barnekaldea topatuko du, estilo garaikide eta minimalistan apaindua izan dena. Kanpokaldeak duen baserri itxurak eta barnekaldeko irudi modernoaren arteko aldea nabarmena da; batetik, eraikinaren berezko izaera mantendu nahi izan da eta bestetik, gaur egungo beharrak asetzeko moduko funtzionaltasun eta irudia bilatu dira.
Dolarea Hotelak bezeroen erosotasun eta atsedena bermatuko duten 20 logela dauzka. Hauetako bat, logela bereziago bat nahi duten pertsonei bideratua dagoen suite bat da, bertatik Igartza monumentu multzoaren ikuspegi eder bat izango duelarik erabiltzaileak.
Dolarea jatetxeak 180 pertsona baino gehiago jasotzeko gaitasuna du eta eztei-otorduak, ospakizunak zein enpresa mailako ekitaldiak egiteko leku paregabea da. Bertan, betiko jatetxean dastatu ahal izan diren platerez gozatu daiteke, ahosabai finenen gozamenerako garaian-garaiko produktuetan oinarritutako errezatak dauzkagularik.
Kafetegiak XVII. mendeko eraikin batean gaudela gogorarazten du bisitaria. Baserriaren berezko funtsa bertan gordetzen da, mendetan zehar gordea izan duen altxorra, 400 urte dituen tolare berritu eta musealizatu bat. Egitura honek gainean daraman istoria kontutan izanda bertan kafe bat hartuz erlaxatzea izugarrizko plazerra da, luxu bat.