Donostia turismoa eta Gipuzkoako turismoaren erreserba zerbitzua

2001eko maiatzean inauguratu zen hotel honek xarma berezia du. XX. mendearen hasieran eraikitako arkitektura erregionalistako eraikin hau erabat berritu zen orain gutxi, eta 2001ean inauguratu zuten berriz. Balio handiko ezaugarri arkitektonikoak ditu. Gipuzkoako Foru Aldundiak eraikin hau ondare historiko artistikotzat katalogatu du.

"Elorza Enea" izeneko jauregia izen bereko familiak eraiki zuen 1920an. Berritze lanetan balio arkitektoniko guztiak gorde dira, eta gaur egun beharrezko ditugun erosotasunera egokitu dira.

Hotela Legazpi herrian dago(Gipuzkoa), Burdinaren Harana izenekoan, Euskal Herriko hiriburuen erdigune geografikoan: Donostiatik 94 kilometrora, Iruñetik 87 kilometrora, Bilbotik 75 kilometrora eta Gasteiztik 55 kilometrora.

Hotelak 9 logela bikoitz eta 3 banakako logela ditu, batzuk txapitula formakoak, eta logelek bainugela, satelite bidezko TB, telefonoa, Interneterako konexioa eta berokuntza zentrala dituzte.


Bainudun gela bat ezinduentzat prestatuta dago. Logela guztiak desberdin daude dekoratuta, ingurune berean estilo desberdinak konbinatuz. Horri esker, hoteleko giroa oso atsegina da.

Gainera, Mauleón hotelak taberna-kafetegi zerbitzua, aparkaleku pribatua, jangela pribatua, areto soziala, udako terraza, kutxa gotorrak eta garbitegi zerbitzuak eskaintzen ditu.

Enpresa bilerak egiteko prestatutako aretoak ere baditu, eta, bertan, bideokonferentzia zerbitzuak eskaintzen dira orduka; eta lan jardunaldi horiei etekin handiagoa ateratzeko, jatetxe eta ostatu zerbitzu osagarriak ere eskaintzen ditu. Instalazio guztiak minusbaliotasun fisikoa duten pertsonentzat prestatuta daude, bai kanpoko sarbideak, bai eta barrukoak ere; horrez gain, igogailua eta araudiaren arabera prestatutako bainugeladun logelak ere badaude.

Abenduaren 24-25-31 eta Urtarrilaren 1, jatetxea itxita izango da.